Франциа ҩынтә адунеи иачемпионхеит

2018 шықәсарзтәи ашьапылампыл азы адунеи ачемпионат иаиааит Франциа акоманда. Афинал аҿы дара 4:2 ҳәа иаҵадырхеит раҧхьаӡа акәны афинал ахь инеиз Хорватиаа. 

Франциа – Хорватиа 4:2
Ампылқәа:

                                              21-тәи адунеи ачемпионат астатистика

• Адунеи ачемпионатқәа зынӡа ириааихьоу аа-командак роуп. Хәынтә акубок ргахьеит Бразилиаа, ҧшьынтә – Италиеи Германиеи. Ҩынтә ичемпионхахьеит Франицеи Уругваи, Аргентинеи, знык-знык – Испаниеи Англиеи.
  

• Адунеи ачемпион ҳәа атитул змоу акоманда х-чемпионатк еиқәырццакны агәыҧ аҟынтәи даҽа етапк ахь изымцаӡац. Уажәтәи ачемпионат аҿы - ФИФА ареитинг аҿы актәи аҭыҧ змаз Германиа акоманда. 1954 ш. раахыс раҧхьаӡа акәны Германиа акоманда агәыҧ аҿынтәи изымцаӡеит. 2010 ш. рзы 2006 ш.  рзы адунеи иачемпионхаз Италиа акоманда агәыҧ аҟны ихнаркәшеит ақәгылара, 2014 ш. рзы – Испаниа акоманда.
  

• 1986 ш. раахыс раҧхьаӡа акәны СССР/Урыстәыла еизгоу акоманда аплеи-офф ахь инеит. Ачемпионат иалагаанӡа дара ачемпионат иалахәыз рреитинг аҿы иреицәоу командан. Уаанӡа ас астатус змаз акоманда ¼ афинал ахь изымнеиӡацызт.
  

• Раҧхьаӡа акәны  адунеи ачемпионат иалахәын Исландиеи Панамеи ркомандақәа.
  

• Португалиатәи ашьапылампыл асҩы Криштиану Роналду еизгоу акомандазы ампылқәа рҭаршәразы европатәи  ашьапылампыл асцәа рыбжьара иҟаз арекорд еиӷьитәит. Иара уажәтәи ачемпионат аҿы иҭаиршәеит 4-мпылк, убри алагьы 85 мпыл ҭаиршәхьеит Португалиа еизгоу акомандазы. Уаанӡа арекорд зтәыз венгриатәи ашьапылампыл Ференц Пушкаш иҭаиршәхьан икомандазы 84 мпыл.
  

• Адунеи ашьапылампыл аҭоурых аҿы зегь реиҳа ампылқәа еизгоу акомандазы иҭаиршәхьеит ирантәи ашьапылампыл асҩы Али Даеи, иара Иран еизгоу акомандазы 109 мпыл ҭаиршәхьеит.
  

• 33 ш. зхыҵуа Криштиану Роналду еизгоу акомандазы Европеи адунеи рчемпионатқәа рҿы 38-нтә дыхәмархьеит, убри алагьы иара дихьӡеит Германиатәи акомандаз убриаҟара ихәмархьаз Бастиан Шваинштаигер.
  

• Криштиану Роналду адунеи ачемпионат хәмаррак аҿы хымпылк ҭазыршәхьоу рыбжьара зегь реиҳа деиҳабуп. Испаниа акоманда ианрыцыхәмаруаз иара ихыҵуан 33 ш. 131 мши. Уаанӡатәи арекорд 40 ш. раҧхьа ишьақәыргылан. Голландиатәи акоманда ахәмарҩы Роб Ренсенбринк хәмаррак аҿы хымпылк анҭаиршәуаз 30 ш. 336 мши ихыҵуан.
  

• Португалиатәи акоманда ажәылаҩ, акапитан Португалиеи Испаниеи рыхәмарран даҽа рекордкгьы шьақәиргылеит. Иара 38,6 км/сааҭк аццакра ааирҧшит. Убри алагьы адунеи аҿы ашьапылампыл асцәа рыбжьара  зегь реиҳа аццакра ааирҧшит.
  

• Франциа еизгоу акоманда ажәылаҩ Килиан Мбаппе адунеи ачемпионатқәа рҿы Франциа акомандазы ампыл ҭазыршәхьоу зегь реиҳа дқәыҧшуп. Франциеи Перуи ркомандақәа анеиҧылоз иара 19 ш. 183 мши ихыҵуан. Уаанӡатәи арекорд Давид Трезеге ишьақәиргылахьан. Иара усҟан 20 ш. 246 мши ихыҵуан.
  

• Ачемпионат аҿы зегь реиҳа зхыҵуаз Египет акоманда амбахьчаҩ  Ессам Ель-Хадари иакун. Иара 45 ш. ихыҵуеит. Саудтәи Аравиеи Египети анеиҧылоз дыхәмарит, убри алагьы уаанӡа зегь реиҳа зхыҵны адунеи ачемпионат аҿы ихәмаруаз колумбиатәи амбахьчаҩ Фарид Мондрагон иаҧигеит. Аҵыхәтәантәи 2014 шықәсарзтәи ачемпионат аҿы данықәгылоз 43 ш. хымши ихыҵуан.
  

• 2018 ш. адунеи ачемпионат аҿы азыҟаҵаҩцәа рыбжьара зегь реиҳа ақәра иман Уругваи акоманда азыҟаҵаҩ Оскар Табарес. Иара 71 ш. ихыҵуеит. Азыҟаҵаҩцәа рыбжьара иараӡәк иоуп командак ҧшь-чемпионатк рҿы иазыҟазҵоз.
  

• Сынтәатәи адунеи ачемпионат аҿы а-11-метратәи ампылқәа уаанӡатәи ачемпионатқәа раасҭа акыр ирацәаны ирысит - 29. Уаанӡатәи арекорд 18 пенальти.
  

• Адунеи ачемпионат аҭоурых аҿы мышкы иҭаршәын ампампылқәа рацәаны. Ари ҟалеит иун 24 рҽны, агәыҧ аҿы хы-хәмаррак рҿы 14 мпыл ҭадыршәит. Ахәмарра алагамҭаз зег реиҳа ампылқәа рацәаны иҭадыршәит Хорватиеи Даниеи. Даниа еизгоу акоманда ахәмарцәа иҭадыршәит 57-тәи асекунд азы, Хорватиаа аҭак ҟарҵеит х-минутқи 37 секунди рзы. Адунеи ачемпионатқәа рҭоурых аҟны ас ирласны ҩ-мпылк уаанӡа иҭадмыршәӡацызт.
  

• Зегь реиҳа аамҭа цаны ампыл ҭаиршәит Бразилиа акоманда акапитан Неимар, Коста-Рика ианрыцыхәмаруаз. Уи ҟалеит 97-тәи  (96,48) аминуҭ азы. 1982 ш. рзы афранцыз Максим Боссис  Мексикаа ианрыцыхәмаруаз 96 минуҭи х-секундки рзы ампыл ҭаиршәхьан.Урыстәылатәи адунеи ачемпионат аҿы ашьапылампыл асцәа 12-нтә рымбахь ампыл ҭадыршәит. Ари рекордуп. Раҧхьаӡа акәны афинал аҿгьы уи аҩыза ҟалеит.
  

• 39 ш. зхыҵуа Мексикатәи акоманда ахьчаҩ Рафаель Маркес дыхәмарит ахәбатәи адунеи ачемпионат аҿы. Иара иаҧхьа уи аҩыза рылшахьан анемец Лотар Маттеус, Мексика ахаҭарнак Антонио Карбахаль.
  

• Мексикеи Швециеи реиҧылараан мексикатәи ашьапылампыл асҩы Хеус Галиардо акарточка ҩежь идырбеит 13-тәи асекунд азы. Уаанӡа ас еиҧш ирласны аӡәгьы уи аҩыза имыхьцызт.