Германиа ҩынтәуп Европа ачемпионат аднакылоижьҭеи.
Аҧсадгьыл-инфо, сентиабр 27 2018 ш. УЕФА иаанацҳауеит 2024 ш. рзы Европа ачемпионат амҩаҧгаразы Германиа шалырхыз. Уи атәы рҳәеит швециариатәи ақалақь Ньон имҩаҧгаз УЕФА аисполком аилатәараҿы.
Германиа анаҩс Европа ачемпионат амҩаҧгаразы Ҭырқәтәыла акандидатурагьы ықәгылан.
Германиа ҩынтәуп Европа ачемпионат аднакылоижьҭеи. Раҧхьаӡа акәны Европа ачемпионат ари аҳәынҭқарраҿы мҩаҧган 1988 ш. рзы. 2006 ш. рзы Германиа адунеи ачемпионат мҩаҧысит.
Уаанӡа, 2008 ш. рзы Ҭырқәтәыла (Бырзентәылеи дареи) Европа ачемпионат амҩаҧгаразы акандидатура ықәгылан, нас 2012, 2016 шш. рзы, аха дара зныкгьы уи аҩыза алшара рырымҭеит.
2024 ш. рзы Европа ачемпионат ахәмаррақәа мҩаҧгахоит жәа-қалақьк рҿы: Берлин, Миунхен, Штутграт, Дортмунд, Гельзенкирхен, Гамбург, Диуссельдорф, Леипциг, Киольн, Франкфурт.