Аруаа амашьынақәеи аимадара акомплексқәа рхархәареи рзы 200 иреиҳаны анормативқәа нарыгӡеит, аус адырулеит аимадара ахкқәа зегьы.
Аҧсадгьыл-инфо, октиабр 9 2018 ш. Алада арратә округ аруаа Аҧсны ашьхақәа рҿы аимадара ҿыцқәа рхы иадырхәеит. Абри атәы РИА Новости ахь иааицҳаит ААО апресс-маҵзура аиҳабы Вадим Астафиев.
«Алада арратә округ аруаа хымчыбжь Аҧсны иҟоу аполигон Ҵабал имҩаҧысуаз аҽазыҟаҵарақәа рҿы ашьхаҿы аимадара ҿыц еиуеиҧшым адиапозонтә цәқәырҧақәа рҿы ахархәара ҧыршәеит»,- аҳәоит апресс-маҵзура аҳәамҭаҿы.
Вадим Астафиев иазгәеиҭеит аҧышәарақәа зегьы имариамыз аҭагылазаашьақәа рҿы ишымҩаҧгаз.
Аҽазыҟаҵарақәа ирылахәын 500-ҩык арратә база аруаа, рхы иадырхәеит 100 арратә техника ҷыда, урҭ рахьынтә арадиолинеитә станциақәа Р-419 «Л», аспутниктә еимадара апортативтә станциақәа «Белозиор», БТР-80 абаза ала иҟаҵоу акомандатә-штабтә машьынақәа.