Авторизация:

Акультура аминистрра ахьӡала Д. Гәлиа имузеи адиректор Светлана Корсаиаԥҳа лиубилеи лыдырныҳәалеит

Акультура аминистрра ахьӡала Д. Гәлиа имузеи адиректор Светлана Корсаиаԥҳа лиубилеи лыдырныҳәалеит
25 февраля 2024 12:29 411
Апсадгьыл-инфо, 25 февраля 2024 г.  

Иахьа лиубилеи азгәалҭоит Дырмит Гәлиа илитературатә-мемориалтә музеи адиректор Светлана Корсаиаԥҳа.

Акультура аминистрра ахьӡала аиубилиар илыдырныҳәалеит лымшира.

Адныҳәалараҿы иаҳәоит:

«Ҳаҭыр зқәу Светлана Винор-иԥҳа!
Акультура Аминистрра ахьӡла гәык-ԥсыкала ишәыдаҳныҳәалоит шәиубилеи.
Ауаажәларратә усзуҩы, атеатрҭҵааҩы, ажурналист, ирацәоуп шәлагала аԥсуа культура, хаҭала атеатртә ҟазара аҭҵаареи аӡыргареи аус аҟны.
Шәыԥсҭазаара илагаӡаны шәнапы злашәкуаз аусқәа маҷым. Ажурнал «Аҟзара» аредакциаҿ аума, аԥсуа радиои ателехәаԥшреи рҟны аума, шәахьыҟазаалак шәус ҭакԥхықәрала шәазнеиуеит.
Ииуадаҩыз аамҭа раан, ҳажәлар аԥсреи абзареи ианрыбжьагылаз ҳаԥсуа радио шәыбжьала ицәажәон. Усҟан шәыбжьы зехьынџьара инаӡон, Аԥсны аҵакыра моу, аҳәаанырцәгьы, зхақәиҭраз иқәԥоз аԥсуа жәлар рхьаа абжьы ахашәҵон. Шәефирқәа лымкаала иазԥшын амацәаз иҭакыз Мрагыларатәи афронт аҟны, избанзар есымша аԥсра ала иҭаԥшуаз ҳауаажәлар ргәы шьҭнахуан.
Аибашьра ашьҭахьгьы тәамҩахә шәымам. Шәџьабаақәа ирыбзоураны иаԥҵан еиуеиԥшым ателепрограммақәа, арадиоефирқәа ҳаԥсуа культура аҭҵаара иазкны. Шәыстатиақәа ирыбзоураны акультура аусзуҩцәа, аҟазацәа дуқәа рыхьӡ наунагӡа аҭоурых иазаанхеит.
Иахьа шәара аԥсуа литература ашьаҭаркҩы, арккаҩы Дырмит Гәлиа иҩны амузеи напхгара азыжәуеит.
Шәылшарақәеи шәџьабаақәа азгәаҭо, шәара ишәыхҵоуп «Аԥсны зҽаԥсазтәыз акультура аусзуҩ» ҳәа ахьӡ ҳаракы, ишәанашьоуп аҳамҭа ду «Ахьӡ-Аԥша» аорден III аҩаӡара.
Шәиубилеи шәындныҳәало, ишәзеиӷьаҳшьоит агәабзиара, ашықәснҵыра рацәа, алшара ҿыцқәа шәнапы злаку аус аҟны. Шьардаамҭа шәнеиааит!»



Для того, чтобы оставить свой комментарий, Вам необходимо авторизоваться!
Авторизация:
 
Текст сообщения*
Перетащите файлы
Ничего не найдено
Защита от автоматических сообщений