Аҧсадгьыл-инфо, 14 2022 ш.
Апрель 14 рзы Акультура Аминистрраҟны имҩаԥысит акультура аминистр Даур Ақаҩбеи Леон и-Орден занашьоу Е. Бебиа ихьӡ зху Аҳәынҭқарратә акәашаратә ансамбль «Шьараҭын» асахьаркыратә напхгаҩы, Аԥсны жәлар рартист Руслан Бебиеи реиԥылара.
Аиԥылараан ирылацәажәеит ԥхьаҟатәи ауснагӡатәқәа, иара убас ансамбль арепетиациатә база иадҳәалоу азҵаарақәа.
Аминистр иазгәеиҭеит ансамбль крызҵазкуа аҭыԥ шааннакыло ҳкультуратә ԥсҭазаараҟны, аԥсуа жәлар рыкәашаратә ҟазара аиқәырхареи аларҵәареи хықәкы хадас ишамоу.
Аминистр иара убас иазгәеиҭеит, аконцертқәа Аҟәа анаҩсгьы, егьырҭ Аԥсны араионқәа рҟны ишымҩаԥгатәу, араионтә коллективқәа ҳтәыла акультуратә ԥсҭазаара ралархәразы.