Иҧсҭазаара далҵит Аҧснытәи аҳәынҭқарратә музеи Археологиа аҟәша аҭҵаарадырратә усзуҩ еиҳабы, аҭоурыхтә ҭҵаарадыррақәа ркандидат Валентин Александр-иҧа Ниушков.
Валентин Александр-иҧа дравторын 30 инареиҳаны аҭҵаарадырратә усумҭақәа. Аҵарауаҩ иҭҵаарадырратә интересқәа иреиуан: ихьшәоу антикатәи заатәи абжьарашәышықәсазтәи Аҧсны аҭоурыхи археологиеи, асоциал-економикатәи, аполитикатәи, аетнокультуратәи азҵаатәқәа ирыдҳәалоу Аҧсны аҭоурых; Антика аамҭа иатәу Аҧсны аҭоурых; асоциалтәи аполитикатәи антропологиа, археологиа, уҳәа ирыҵаркуаз ахырхарҭақәа. Валентин Александр-иҧа иҽрылаирхәхьан хыҧхьаӡара рацәала Аҧсни уи анҭыҵи имҩаҧысуаз аҭоурых, археологиа уҳәа ирыдҳәалаз Жәларбжьаратәи аҭҵаарадырратә конференциақәеи, афорумқәеи.
В.А. Ниушков игәалашәара наунагӡа иаанхоит ҳгәаҿы! Хашҭра иқәым!
Аҧснытәи аҳәынҭқарратә музеи ахадареи аусуратә еилазаареи.