Аҧсадгьыл-инфо, 30 2023 ш.
Аҧсны аинтеллигенциа реидгыла алахәылацәа афольклорист, еицырдыруа Кавказтәи афольклористикаҭҵааҩы, Нарҭаа репос аҭҵааҩы, Урыстәыла аҭҵаарадыррақәа ракадемиа адоқтор, ААУ апрофессор Зураб Џьапуа Аҧсны аҭҵаарадыррақәа Ракадемиа апрезидентс еиҭалхра идырныҳәалоит.
Адныҳәалараҿы иаҳәоит: Ҳаҭыр зқәу Зураб Џьота-иҧа, Шәара жәашықәса ирықәуп Аҧсны аҭҵаарадыррақәа Ракадемиа шәахагылоуижьҭеи. Шәара аинтеллигенциа рыбжьара авторитет ӷәӷәа шәымоуп. Уажәы хынтәны Аҧсны аҭҵаарадыррақәа Ракадемиа аиҳабыс шәахьалырхуа уи арҵабыргуеит.
Шәара акыр шықәса Аҧсны аҭҵаарадырра аус азыжәуеит. Шәареи шәколлегацәеи шәус аҿы ҧхьаҟатәи ақәҿиарақәа шәзеиӷьаҳшьоит.