Аҧсадгьыл-инфо, 19 2018 ш.
Аминистрцәа реилазаараҿы аҧыза-министр Валери Бганба ихантәаҩрала амонументалтә ҟазаразы Аҳәынҭқарратә комиссиа аилатәара мҩаҧган.
Аҧсадгьыл-инфо, октиабр 19 2018 ш. Аҧсны аҩбатәи ахада Сергеи Багаҧшь ибаҟа Аҟәеи Очамчыреи иқәдыргыларц азы акомиссиа иаарту аконкурс рыланаҳәеит. Аҟәа абиуст ықәыргылахоит Сергеи Багаҧшь ихьӡ зху ашҭаҿы. Абри атәы аанацҳауеит Аминистрцәа реилазаара асаит.
Убас, акомиссиа алахәылацәа ирдыркылеит аскульптор Витали Џьениа авторс дызмоу Фазиль Искандер ибаҟа. Абаҟа ықәыргылахоит Амҳаџьырқәа рыҧшаҳәаҿы.
Аҟәа даҽа баҟакгьы ҟалоит. Аскульптор Руслан Габлиа авторс дызмоу Аҧсны Аџьынџьтәылатә еибашьра алагара символс измоу амонументалтә апроект рыдыркылеит. Уи ықәыргылахоит Ацҳа ҟаҧшь азааигәара.