Аҧсны аҧыза-министр Геннади Гагәылиа Москва дырҧылеит Урыстәыла аиҳабыра аҧыза-министр ихаҭыҧуаа Витали Муткои Алексеи Гордееви.
Аҧсадгьыл-инфо, август 18 2018 ш. Аиҧылараҿы Урсытәылеи Аҧсни рсоциал-економикатә усеицура азҵаарақәа ирылацәажәан.
Геннади Гагәылиеи Витали Муткои реиҧылараҿы 2017-2019 шш. рзы Аинвестициатә программа амҩаҧысшьа атәы иазааҭгылеит, убас 2020-2022 шықәсқәарзтәи апроект ҿыц иалацәажәеит.
Гагәылиа иазгәеиҭеит апроект ҿыц аус аурц азы иахьа инаркны уи алацәажәара ишалагатәу. Иҳәеит аҧсуа ган уи ишазхиоу.
Алексеи Гордееви иареи реиҧылараҿы иалацәажәон Аҧсны ақыҭанхамҩеи ааглыхратә комплекси рырҿиаразы аҩ-ҳәынҭқаррак рқыҭанхамҩатә министррақәа хышықәсатәи рпрограмма аиҿкаара иалацәажәан.
«Аҧсны азҿлымҳауп иаҳзеилоу анаплакқәа раартра», - иҳәеит Геннади Гагәылиа.
Абри атәы аанацҳауеит Аҧсны Аминистрцәа реилазаара асаит.