2019 ш. рзы ConIFA Европа ачемпионат мҩаҧгахоит Ашьха Ҟарабах.
Аҧсадгьыл-инфо, август 20 2018 ш. Атурнир мҩаҧысуеит иун мзазы Ашьха Ҟарабах аҳҭны-қалақь Степанакерт. Абри атәы аанацҳауеит ConIFA асаит.
«Лондон 2018 шықәсазы қәҿиарала имҩаҧгаз адунеи ачемпионат ашьҭахь, иааиуа атурнир уиаҟара адунгеи аҿы ирзымдыруа, аха иҧшӡоу аҭыҧ аҿы иахьымҩаҧааго ҳаигәырӷьоит», - иҳәеит ConIFA апрезидент Пер-Андерс Блинд.
2019 шықәса рзы Европа ачемпионат иалахәхоит 12 команда. Урҭ рахьынтәи ҧшьба уажәазы еилкаауп - 2017 шықәсарзтәи Аҩада Кипр имҩаҧгаз Европа ачемпионат аҿы иаиааиз Паданиа, уаҟа афинал аҿы ихәмаруаз Аҩада Кипр акоманда, сынтәа адунеи иачемпионхаз Карпаталиа, иара Ашьха Ҟарабах акоманда. Егьырҭ аа-командак еилкаахоит ианвар 2019 шықәсазы ConIFA алахәылацәа реизараҿы.
Ашьха Ҟарабахтәи ашьапылампылтә федерациа еиҿкаан 2012 ш. рзы. 2014 ш. рзы Ҟарабахтәи акоманда ConIFA Швециа имҩаҧнагаз актәи атурнир иалахәын.