ААУ аректор Алеко Гәарамиа абоксиор Енвер Бзагәа дидикылеит, аанацҳауеит ААУ апресс-маҵзура.
Аԥснытәи аҳәынҭқарратә университет апедагогикатә факультет абҩарҵәыра ахырхарҭала аҵара зҵо астудент, абокс азы Аԥсны еизгоу акоманда алахәыла Енвер Бзагәа аиааира игеит Москва ноиабр 26 азы дызлахәыз ипрофессионалтә кариераҿы аҩбатәи ареитингтә қәгылараҟны.
Ҭырқәтәылантәи иааз ҳџьынџьуаҩ Енвер Бзагәа дидкылауа ААУ аректор, академик Алеко Гәарамиа абоксиор идиныҳәалеит аспортсмен крызҵазкуа иқәҽиара ду.
«Ҳара ҳмилаҭ хәыҷы азы игәахәара дууп уара уқәҿиарақәа, ҳара ҳахәҭаахьала ҳуцхраауеит уаԥшьгарақәа зегьы рҟны», - иҳәеит аректор.
Аиԥылараҿы аректор Алеко Гәарамиа иҳәеит абокс азы Аԥсны Афедерациа 20 шықәса инарзынаԥшуа хадара шазиуаз, анаҩс 1980 шықәсазы Москватәи аолимпиатә хәмаррақәа рҟны ӡбаҩыс дшыҟаз.
Академик Алеко Гәарамиа иазӷәеиҭеит ААУ астудентцәа Игор Адлеибеи, Баҭал Чежиеи игәы шрыладуу, Енвер Бзагәа урҭ реихьӡарақәа иацҵауа ҳ́аԥсадгьыл ахьӡ шышьҭихуа атәы.
Аспортсмен, аректор иҭабуп ҳәа иаҳәо далацәажәеит абокс аҟны ԥхьаҟатәи игәҭакқәа, иазгәеиҭеит иара изы ишыхадоу апрофессионалтә боксиор Алеко Гәарамиа иҟаиҵо алкаақәеи абжьгарақәеи.
Аиԥылара иалахәыз Аԥсны абокс Афедерациа ахада, Аԥсны зҽаԥсазтәыз азыҟаҵаҩ, Енвер Бзагәа дазыҟазҵо Альберт Карди-оглы ААУ аректор, академик Алеко Гәарамиа иҭабуп ҳәа иеиҳәеит аспортсменцәа рахь иааирԥшуа азҿлымҳаразы.
