Аҧсадгьыл-инфо, 27 2018 ш.
Абри атәы иҳәеит «Аҧсны адгьылҭҵааҩцәа рхеидкыла» аиҳабы Леуард Барцыц.
Аҧсадгьыл-инфо, иул 27 2018 ш. Амза атыҩ акра иалагоит 21 сааҭи 24 минуҭи рзы москватәи аамҭала, ихыркәшахоит 02 сааҭи 29 минуҭи рзы.
Леуард Барцыц иҳәеит Аҧсны атерриториаҿы амза атыҩ акра еиҳа еиӷьны ишубарҭахо, Урыстәыла аасҭа, убри азы арахь иааит «Русское географичекое общество» аҟынтәи иара иҩызцәа. Дара ари аҧсабаратә цәырҵра еицахәаҧшуеит.
Зынӡа XXI ашәышықәсаз 225-нтә амза атыҩ иакуеит, урҭ рахьынтә - 85 - ихарҭәаау атыҩ акроуп, 6 заҵәык роуп х-сааҭк иреиҳаны ицо.
XXI ашәышықәсаз зегь реиҳа ицо амза атыҩ акреи (3 с. 56 мин) апланета Марс адгьыл иааигәаӡаны азааигәахареи иахьа еицыҟалоит. Ас еиҧш ҟалоит 25 нызқь шықәса рахьынтә знык.