Аҭагылазаашьа ҷыдақәа рзы аминистр Лев Кәыҵниа Аминистрцәа реилазаара аилатәараҿы 2019 ш. рзы аминистрра иарҭоу афинанстә цхыраара ацҵара мап шыркыз иҳәеит
Аҧсадгьыл-инфо, октиабр 30 2018 ш.
Аҭагылазаашьа ҷыдақәа рзы аминистрра абиуџьет 2018 ш. еи8шны иаанрыжьит. Абри атәы аанацҳауеит Абхазиа-Информ.
«Ҳара маҭәахәыда, былтәыда, апроект «Медицина катастроф» ада ҳаанхеит. Уи иаанаго, иааиауа ашықәс азы ҳара апроблема дуқәа ҳауеит ауп», - иҳәеит Лев Кәыҵниа.
Афинансқәа рминистр Џьансыхә Нанба иҳәеит аминистрра абиуџьет 24 миллион мааҭ иацырҵарц ишрыҳәаз, убас 47-ҩык аусзуҩцәа ҿыцқәа рыдыркыларц алшара роуртә, аха иахьазы 592-ҩык аус ахьыруа аминистрра иҵегьы аштатқәа реиҳатәра шрылымшо. Уи абиуџьет ишақәыӷәӷәо атәы иҳәеит аминистр.
Апроект «Медицина катастроф» акәзар, Нанба игәаанагарала, агәабзиарахьчареи Аҭагылазаашьа ҷыдақәеи рзы аминистррақәа русеицуразы асхема шьақәдыргылар ауп.