Ирзеиҧшу аинформациатә-координациатә центр еиҿкаауп Аҧсни Урыстәылеи аҩныҵҟатәи аусқәа русбарҭақәа ацәгьаура иаҿагыланы русура аҳәаақәҵаразы.
Аҧсадгьыл-инфо, октиабр 5 2018 ш. Октиабр 3 2018 ш. рзы Аҧсны аҩныҵҟатәи аусқәа рминистр Гарри Аршбеи Урыстәыла аҩныҵҟатәи аусқәа рминистр Владимир Колокольцеви русҧҟа ала, Аҧсни Урыстәылеи рминистррақәа Ирзеиҧшу аинформациатә-координациатә центр ашьақәыргыларазы аусрбага инақәыршәаны ИАКЦ адиректорс дҟаҵоуп Руслан Сангәылиа, аанацҳауеит Аҧсны аҩныҵҟатәи аусқәа рминистрра асаит.
Аминистрра иаанацҳауеит, иахьазы ацентр аҿы 20-ҩык аус рыураны иахьыҟоу 13-ҩык аус шыруа - Аҧснытәи аминистрра ахьӡала 9-ҩык, Урыстәылатәи аминистрра ахьӡала – 4-ҩык.
Шықәсык аҧхьа ИАКЦ адиректорс Беслан П,арулуа дҟаҵоуп ҳәа аинформациа ыҟан.