Абри аҩыза аҳәамҭа ҟаиҵеит аусдкылаҩ Давид П,лиа Ауаажәларратә палатаҿы Аҧсны ашколқәа рҿы ахәыҷқәа рыкрыфара иазкыз аилатәараҿы.
Аҧсадгьыл-инфо, октиабр 10 2018 ш. Аусдыкылаҩ Аҟәа ақалақь Аҵарадырратә усбарҭа астатус аилкааразы Апрокуратура хадахь иишьҭыз ашәҟәы аҭак Ауаажәларратә палата алахәылацәа идирдырит. Уаҟа иаҳәоит аусбарҭа аиҿкаара азакәан ишақәымшәо.
Апрокуратура хада иаанацҳауеит аҧыза-министр иахь иахь ашәҟәы шырышьҭыз иҟоу азакәанеилагара аҧыххарц азы ақәҵарақәа рыдыркыларц.
«Ҳара аӡбарҭаҿы иаҳзеилымкааит Аҵарадырратә усбарҭа иарбан еиҿкаратә формоу иамоу. Уи азы Апрокуратура хада ахь ашәҟәы насышьҭит. Ари изакәантәым еиҿкаароуп», - иҳәоит Давид П,лиа.
2017 ш. рзы аусдкылаҩ, иара иажәақәа рыла, Аҵарадырратә усбарҭа аиҳабы аҳәара иҟалҵаз ала, Аҟәатәи ахҧатәи ашкол акрыфарҭа еибиҭеит. Уи иахҭниҵеит 1,5 млн мааҭ. Аусдкылаҩ ашкол аҿы иҟазаара азакәан шьаҭа аиҭарц аусбарҭахь даннеи, мап ицәыркит. Абри атәы еилдыргоит шықәсык аахиижьҭеи аӡбарҭақәа рҿы.
Аусдкылаҩ иҳәоит ашкол акрыфарҭа ҳаамҭа иақәшәо ишеибыҭо, уаҟа ашколхәыҷқәа рыкрыфаразы аҭагылазааашьа бзиақәа шаҧҵоу.
«Аҳәынҭқарра, ахәыҷқәа рыкрыфара знапы иану ачынуаа уи хьаас ирыманы избаӡом. Убри азы ауп ари аҩыза апроблемақәа зцәырҵуа», - иҳәоит иара.
Ауаажәларратә палата аилатәараҿы дыҟаӡамызт Аҵарадырратә усбарҭа аиҳабы. Апалата амаӡаныҟәгаҩ Наҭелла Акаба лажәақәа рыла, аконфлиикт ҟамларц азы дара ари аформат ала аиҧылара мҩаҧыргарц рыӡбеит.