РУСДРАМ аколлектив Адыгеиа агастрольқәа рҟынтәи амҩа иқәуп
Аҧсадгьыл-инфо, октиабр 25 2018 ш. Аушьҭырҭатә пункт "Магри" аҟынтәи Дедеркоинӡа амҩа аангылеит, амашьынақәа реишьҭагылара километрак еиҳауп, аанацҳауеит maks-portal.ru.
«Уаха Шепси ҳаанхар акәхоит, излазбо ала», - иҩуеит Facebook идаҟьаҿы РУСДРАМ адиректор хада Иракли Хынҭба.Октиабр 24 рзы РУСДРАМ Адыгеиатәи афилармониаҿы ҩ-спектакльк днарбеит. Ашьыжь -ахәыҷқәа рзы Анастас Кичик режиссиорс дызмоу «Братец кролик & Братец лис». Ахәылбыҽха идырбан Искандер Сакаев иқәыргыламҭа «Широколобыи».
«Зықьҩык зкуа азал ҳарҭәит. Иҭабуп Адыгеиатәи ахәыҷқәа, иҭабуп ҳколлегацәа, иҭабуп агастрольтә усура ацхырараара азҭо Афедералтә агентра. Ҳара насыҧ ҳамоуп ас еиҧш ауаа ибзиан ҳахьрыдыркылаз», - ҳәа иҩит Иракли Хынҭәба ахәыҷқәа рзы аспектакль ашьҭахь.
Фазиль Искандер ихьӡ зху Аурыс драматә театр агастрольқәа Адыгеиа имҩаҧысуан «Большие гастроли 2018. Зарубежная программа» ала.