Аҧсадгьыл-инфо, 25 2018 ш.
Аҟәа ақалақьтә еизара аиҳабы аҳәынҭқарра ахада иалхрақәа апрель 2019 шықәса рахь ииаргарц ажәалагала ҟаиҵеит
Аҧсадгьыл-инфо, октиабр 25 2018 ш. Аҟәа ақалақьтә еизара аиҳабы Константин Плиа аҳәынҭқарра ахада иалхрақәа август аҟынтәи апрель 2019 шықәса рахь ииаргарц азы аҳәынҭқарра ахадеи Жәлар реизареи, аполитикатәи ауаажәларратәи еиҿкаарақәеи рахь ааҧхьара рыдыркыларц ажәалагала ҟаиҵеит. Абри атәы аанацҳауеит Абхазиа-Информ.
Аҟәа ақалақьтә еизара аиҳабы игәаанагарала, алхрақәа риагара аҧхынтәи акурорт сезон азы ауааҧсыра ҭынч аусура рылнааршоит.
Константин Плиа иажәалагала адепутатцәа азыӡыҩрит, аха макьана аӡбамҭа ҳәа акагьы рыдрымкылеит.