Апсадгьыл-инфо, 28 марта 2023 г.
Аԥсны акультура аминистр Даур Ақаҩба Баҭал Џьапуа ииубилеи идиныҳәалеит.
Адныҳәалараҿы иаҳәоит:
«Ҳаҭыр зқәу Баҭал Рушьни-иԥа!
Акультура Аминистрра ахьӡала гәык-ԥсыкала ишәыдысныҳәалоит шәиубилеи – 60 шықәса шәхыҵра.
Еицырдыруа аҧсуа сахьаҭыхҩы, адекоратор, шәҟазара Аԥсны ахьынӡанаӡааӡо иззымдыруа уаҩ дыҟам. Шәҟазаратә мҩа иалагӡаны ишәылшаз рацәоуп, шәҟазара амҽхак ҭбаауп, ганрацәала абаҩхатәра злоу ҟазоуп. Шәусумҭақәа зегьы ирныԥшуеит аԥсуа жәлар рҭоурых, ретнографиа, рҟазара, рыбзазашьа.
Шәылшарақәа азгәаҭо, шәара ишәанашьоуп еиуеиԥшым аҳамҭақәеи ахьӡ ҳаракқәеи – «Адыгатәыла зҽаҧсазтәыз асахьаҭыхҩы», Д.И. Гәлиа ихьӡ зху аҳәынҭқарратә премиа, уб. иҵ.
Шәусумҭақәа ыҟоуп Аҧснытәи агалереиақәа рҿы, иара убас Германиатәи, Голландиатәи, Тырқәтәылатәи, Англиатәи, Хорватиатәи аусумтақәа реизгақәа рҿы.
Аҟазара анаҩсгьы, ҳаԥсадгьыли ҳажәлари ашәарҭара ианҭагыла аамҭазы, шәара лакҩакрада шәрылагылеит ҳаԥсадгьыл ахьчаҩцәа. Аибашьраан иаашәырԥшыз агәымшәараз ишәанашьоуп Леон иорден.
Баҭал Рушьни-иҧа, шәиубилеи шәыдныҳәало, ишәзеиӷьасшьар сҭахуп агәабзиара, агәамч, ҩаҧхьагьы шәҟазараҟны аихьӡара ҳаракқәа рыла ҳшәыргәырӷьо Анцәа алшара шәиҭааит. Аԥсуа культура шәагымзааит!».
Акультура Аминистрра ахьӡала гәык-ԥсыкала ишәыдысныҳәалоит шәиубилеи – 60 шықәса шәхыҵра.
Еицырдыруа аҧсуа сахьаҭыхҩы, адекоратор, шәҟазара Аԥсны ахьынӡанаӡааӡо иззымдыруа уаҩ дыҟам. Шәҟазаратә мҩа иалагӡаны ишәылшаз рацәоуп, шәҟазара амҽхак ҭбаауп, ганрацәала абаҩхатәра злоу ҟазоуп. Шәусумҭақәа зегьы ирныԥшуеит аԥсуа жәлар рҭоурых, ретнографиа, рҟазара, рыбзазашьа.
Шәылшарақәа азгәаҭо, шәара ишәанашьоуп еиуеиԥшым аҳамҭақәеи ахьӡ ҳаракқәеи – «Адыгатәыла зҽаҧсазтәыз асахьаҭыхҩы», Д.И. Гәлиа ихьӡ зху аҳәынҭқарратә премиа, уб. иҵ.
Шәусумҭақәа ыҟоуп Аҧснытәи агалереиақәа рҿы, иара убас Германиатәи, Голландиатәи, Тырқәтәылатәи, Англиатәи, Хорватиатәи аусумтақәа реизгақәа рҿы.
Аҟазара анаҩсгьы, ҳаԥсадгьыли ҳажәлари ашәарҭара ианҭагыла аамҭазы, шәара лакҩакрада шәрылагылеит ҳаԥсадгьыл ахьчаҩцәа. Аибашьраан иаашәырԥшыз агәымшәараз ишәанашьоуп Леон иорден.
Баҭал Рушьни-иҧа, шәиубилеи шәыдныҳәало, ишәзеиӷьасшьар сҭахуп агәабзиара, агәамч, ҩаҧхьагьы шәҟазараҟны аихьӡара ҳаракқәа рыла ҳшәыргәырӷьо Анцәа алшара шәиҭааит. Аԥсуа культура шәагымзааит!».