Авторизация:

Витали Ҷыҭанаа: «Ақырҭқәа апротест шыҟарҵаз Асҭана ҳаннеи ауп ианаҳдырыз»

4 ноября 2018 23:03 2103

Аҧсадгьыл-инфо, 4 2018 ш.

Ақырҭқәа апротест шыҟарҵазгьы Аҧснытәи акаратистцәа рҽаладырхәит Казахсҭан аҳҭны-қалақь Асҭана имҩаҧгаз карате киокусинкаи KWF азы адунеи аҩбатәи ачемпионат

Аҧсадгьыл-инфо, ноиабр 4 2018 ш. Аҧсуа спортсменцәа раҧхьаӡа акәны иалахәын карате киокусинкаи KWF авесриа ала адунеи ачемпионат. Ҳкаратистцәа иқәгыларан иҟан еизгоу Аҧсны акомандазы, аха ақырҭқәа KWF афедерациахь апротест аныҟарҵа ашьҭахь, Урыстәыла акомандаз иқәгылар акәхеит.

«Асҭана ҳаннеи иҳарҳәеит ақырҭқәа апротест иҟарҵаз иахҟьаны Аҧсны еизгоу акомандаз ақәгылара шҳалымшо. Ҳара жәларбжьаратәи афедерациақәа IFK, KWU ҳрылахуп, аха KWF ҳалаӡам. Атурнир аиҿкааҩцәа ҳҭагылазаашьа еилыркаан, Урыстәыла акомандаз ҳақәгыларц алшара ҳарҭеит. Иааизакны Казахсҭан ҳашрыдыркылаз ҳгәаҧхеит. Ибзиан ҳрыдыркылеит Урыстәыла акомандаҿгьы, ҳаргьы урҭ рыгәрагара ҳаҧсахеит. Раҧхьаӡа акәны карате киокусинки ахаҭарнакцәа адунеи ачемпионат аҿы аҧхьахәтә ҭыҧқәа ргеит. Аҷкәынцәа ааигәа 20 шықәса зхыҵыз ҳфедерациа аҳамҭа бзиа азыҟарҵеит», - иҳәеит карате киокусинкаи азы Аҧсны афедерациа аиҳабы Витали Ҷыҭанаа.

Фҩык адунеи ачемпионат иалахәыз акаратистцәа рыбжьара ҩыџьа аҧхьахәтә ҭыҧқәа ааныркылеит. Роберт Карапетиан аҩбатәи аҭыҧ игеит, Лера Џьалагониа - ахҧатәи. Аҩыџьагьы рҽаыҟарҵоит Агәыӡера аҳаблаҿ азыҟаҵаҩ Ҭемыр Ҷыҭанаа иҿы.

Витали Ҷыҭанаа иҳәеит Қырҭтәыла ахаҭарнакцәа аӡәгьы аҧхьахәтә ҭыҧқәа ргара шрылымшаз.

KWF адунеи ачемпионат иалахәын 26 ҳәынҭқарра рҟынтәи 1000-юык аспортсменцәа. Иаагозар, Австралиа, Франциа, Испаниа, Голландиа, Израиль, Иран, Ирак, Еизаку Арабтәи Аемиратқәа, Иапониа, Индиа уҳәа рхаҭарнакцәа.

Возврат к списку

Для того, чтобы оставить свой комментарий, Вам необходимо авторизоваться!

Авторизация: