Аҧсадгьыл-инфо, 24 2018 ш.
60 шықәса дшырҭагылаз лыҧсҭазаара далҵит 1980 шықәсазтәи Аолимпиадаҿы аҵәы аршәразы араӡынтә медаль занашьоу Саида Гәынба
Аҧсадгьыл-инфо, ноиабр 24 2018 ш. Саида Гәынба дыздыруаз зегьы иазгәарҭоит лара лҟазшьа бзиа, аспорт аҿы илымаз аихьӡарақәа шдуузгьы. Лара лхы ӡырылгомызт.
«Саида Гәынба ицахьоу аамҭала лыхцәажәара сцәыуадаҩуп. Лыҧсра Аҧсны зегьы азы, аҧсуа спорт азы, дыздыруаз зегьы рзы ицәыӡ дууп. Ҳара даҳцәыӡит еицырдыруаз аспортсмен, ауаҩы бзиа. Ҳара ҳаибашьра ианалага, Саида афронт ахь дцеит. 2000 шықәсқәа рзы Валери Барцыц лара аспорткомитет ахь аусура дааиҧхьеит. Ари лҩыза аспортсмен аус ахьлыцаҳуаз ҳазгәдуун. Нас лан дычмазыҩхан, лусура аанлыжьыр акәхеит. Ҳара илаҳҳәеит лара ауалафаху лзынҳажьырц, избанзар, уаҳа аҧара џаьргьы илоуӡомызт, ицәгьан усҟан аамҭақәа. Лара мап лкит. Усҟан даара имаҷыз ауалафахәы лаҳҭаларц лҭахымхеит. Аус сзуӡом, ус исҭахым лҳәеит», - абас дылгәалалыршәоит аспортсмен Аҳәынҭспорткомитет аспортә ҟәша аиҳабы Жанна Занҭариа.
Аҳәынҭспорткомитет аиҳабы ихаҭыҧуаҩ Рафаель Амҧар иҳәеит Саида Гәынба Аҧсны инарылукааша аспортсменцәа рхыҧхьаӡараҿ дшыҟоу.
«Аҧсны СССР аспорт азы еиҵанаӡааз аспортсменцәа даарылукаартә дыҟан Саида Гәынба. Лара даара уаҩ бзиан, дпатриот иашан. Аибашьра актәи амшқәа инаркны ахацәа дрывагылеит. Лара зегьы бзиа дырбон лгәы ҭыӷьӷьаа дахьыҟаз азы. Лдунеи аҧсахра зегьы даара ҳгәы иалсит», - иҳәеит Рафаель Амҧар.
Саида Каҧаса-иҧҳа Гәынба диит август 30 1959 ш. рзы Аҟәа.
Аҵәы аршәразы СССР еизгоу акомандазы 1978 инаркны 1988 шықәсанӡа дықәгылон.
СССР дачемпионуп, 1980 ш. Москватәи аолимпиадаҿы аҩбатәи аҭыҧ лгеит, аҵәы 67,76 метра илыршәит. Лара лхатәы рекорд 68,28 метра шьақәлыргылеит иара аолимпиада анцоз ашықәсан.
Аибашьраан лара санинструкторс дыҟан, иланашьоуп «Агәымшәаразы» амедаль, «Ахьӡ-аҧша» аорден ахҧатәи аҩаӡара.
Аҵәы аршәразы СССР еизгоу акомандазы 1978 инаркны 1988 шықәсанӡа дықәгылон.
СССР дачемпионуп, 1980 ш. Москватәи аолимпиадаҿы аҩбатәи аҭыҧ лгеит, аҵәы 67,76 метра илыршәит. Лара лхатәы рекорд 68,28 метра шьақәлыргылеит иара аолимпиада анцоз ашықәсан.
Аибашьраан лара санинструкторс дыҟан, иланашьоуп «Агәымшәаразы» амедаль, «Ахьӡ-аҧша» аорден ахҧатәи аҩаӡара.