Ихыркәшоуп ашьапылампыл азы Аҧсны ачемпионат актәи аикәшара
Аҧсадгьыл-инфо, декабр 4 2018 ш. Ачемпионат ахәбатәи атур аҿы аҟәатәи «Нарҭ» иаднакылеит «Гагра». Гагратәи акоманда ауп аҧшьбатәи атур аҿы актәи аҭыҧ ахь инеиз «Нарҭ» анаҵаха ашьҭахь.
Ахәмарра 23-тәи аминуҭ азы актәи ампыл аҟәаа рзы иҭаиршәуеит Шабаҭ Логәуа. Аҩбатәи азыбжазы Алан Кәыҵниа даҽа ҩ-мпылк ҭаиршәит. Гаграа 86-тәи аминуҭ азы мпылк аҭаршәра рылшеит. Амба иҭаиршәит Леон Ҭаниа - 3:1.
Актәи аикәшара аҵыхәтәантәи ахәмарраҿы гәдоуҭатәи «Риҵа» «Афон» аҿы иаҵахеит 0:1 ҳәа.
Актәи аикәшара ашьҭахь «Нарҭ» 12 очко амоуп. 10-10 рымоуп «Гагреи» «Афони».
Ачемпионат аҩбатәи аикәшара иалагоит 2019 ш. рзы ааҧын. Ачемионат иалахуп ф-командак, урҭ х-еикәшарак мҩаҧыргоит.
Афото: Руслан Ҭарба