Аҧсадгьыл-инфо, 8 2018 ш.
Ашьапылампыл азы Аҧсны акубок агаразы аицлабрақәа ржеребиовка мҩаҧган.
Аҧсадгьыл-инфо, сентиабр 8 2018 ш. Акубок иалаху ф-командак ҩ-гәыҧкны ишоуп. Абри атәы аанацҳауеит Феисбук аҿы иҟоу Аҟәатәи «Нарҭ» адаҟьа.
Агәыҧ А: "Динамо" Аҟәа, "Риҵа" Гәдоуҭа, "Самырзаҟан" Гал.
Агәыҧ Б: "Нарҭ Аҟәа, "Гагра" Гагра, "Афон" Афон Ҿыц.
Агәыҧқәа рҿы актәи аҩбатәи аҭыҧқәа згаз афиналазбжаҿы еиқәшәоит.
Актәи ахәмарраҿы сентиабр 19 рзы Гәдоуҭатәи «Риҵа» иаднакылоит Аҟәатәи «Динамо». Сентиабр 20 рзы Аҟәатәи «Нарҭ» иацхәмаруеит Гагратәи «Гагра. Аиҧылара ҟалоит Ареспубликатә стадион аҿы.
Ашьапылампыл азы 26-тәи ачемпионат акәзар, «Нарҭ» излаанацҳауа ала. иалагоит октиабр 29 рзы.