Аҧсадгьыл-инфо, 7 2018 ш.
Лас-Вегас Ultimate Fighting Championship – UFC (Абсолиуттә ақәҧаратә чемпионат) иласӡоу акапан аҿы ачемпионхаразы аиҧылара мҩаҧысит.
Аҧсадгьыл-инфо, октиабр 7 2018 ш. UFC ачемпионра агаразы «T-Mobile Arena» аҿы еиҧылеит урыстәылатәи ақәҧаҩ Хабиб Нурмагомедови еицырыруа ирландиатәи аспортсмен Конор Макгрегори.
Ари аиҧылара еилаҧсоу ақәҧарақәа рҿы сынтәа зегь реиҳа иззыҧшыз еиҧыларан.
Аиҧылара аҧшьбатәи араунд аҿы Хабиб Нурмагомедов ииааирала ихыркәшан. Аиҧылара ашьҭахь аисра ҟалеит, уи иалахәыз Нурмагомедов именеџьер Ривзан Магомедов аполициа дааныркылеит. Ашәарҭадара алыршаразы афедерациа апрезидент Дана Уаит Нурмагомедов ачемпионтә маҟа октагон аҿы иимҭарц иӡбеит.
Нурмагомедов урыстәылатәи аспортсменцәа рыбжьара UFC иласӡоу акапан аҿы ачемпион титул змоу иара заҵәык иоуп.
Хабиб Нурмагомедов диит Даӷьсҭан, даныхәыҷыз инаркны иаб дазыҟаиҵон. UFC аицлабраҿ раҧхьаӡа акәны дықәгылеит 2012 ш. рзы. Арҭ ашықәсқәа ирылагӡаны 27 еиҧылара мҩаҧигахьеит, зныкгьы даҵамхаӡац.