Автоспорт азы Урыстәыла акубок Mitjet - 2018 ахҧатәи аетап мҩаҧысит Алада Новгород.
Аҧсадгьыл-инфо, август 5 2018 ш. Дмитри Гвазава ишьапы шихьуазгьы Урыстәыла акубок Mitjet – 2018 аҿы еишьҭаргыланы ф-еицлабрак дыриааит. Убри алагьы 600 очкок иманы ачемпионат аҿы актәи аҭыҧ ааникылоит.
«Ицәгьан ақәгылара, иаахтны исҳәоит. Атрасса кьаҿын, ахаҵәирҭақәа рацәан, аҳауа уаркароит. Ицәгьоуп ас еиҧш атрассаҿы ишуҭаху ацара. Иҭышәынтәалан ақәгылара аҭахуп, убри алагьы аҧыжәара агара сылшеит ҳәа сгәы иаанагоит», - иҳәеит Дмитри Гвазава ақәгылара ашьҭахьҵәҟа Матч ТВ еиҭаз аинтервиу аҿы.
Аҽны аҩбатәи ақәыгалара ашьҭахь иара иҳәеит уи иаҳа аинтерес шаҵаз актәи аасҭа.
«Сара сымчқәа зегьы еизыскит аиааиразы. Исықәҿиеит егьырҭ раасҭа. Ианақәымгәыӷӡоз ҧхьаҟа срыцәцеит», - иҳәеит Дмитри Гвазава.
Урыстәыла акубок Mitjet – 2018 аҿы даҽа х-етапк ыҟоуп.
Дмитри Гвазава акоманда Lukoil Racing азы дықәгылоит.