Аҧсадгьыл-инфо, 4 2018 ш.
Автоныҟәцаҩ 12 еицлабра рҟынтәи 10 дыриааит
Аҧсадгьыл-инфо, ноиабр 4 2018 ш. Урыстәыла акубок Mitjet афиналтә еицлабра Сочи Автодром аҿы имҩаҧысит.
Дмитри Гәазаа Урыстәыла акубок агаразы аицлабраҿы актәи аетап инаркны аҧхьа дгылан. Аҵыхәтәантәи аицлабраҿы актәи аҭыҧ игеит иара икоманда иалоу Данила Иванов.
«Cара Урыстәыла ҩынтәны акубок згеит. Уи даара ибзиоуп. Lukoil Racing акомандазы сахьықәгылоз, аиааира ахьызгаз салаҽхәоит. Сгәыӷуеит, аҧхьаҟагьы егьырҭ аклассқәа рҿгьы ақәҿиарақәа соуп ҳәа», - иҳәеит Дмитри Гәазаа аицлабра ашьҭахь МАТЧ ТВ иеиҭаз аинтервиу аҿы.
Иара иҳәеит JT4 акласс аҿы атестқәа дшырхысхьоу, уаҟа алҵшәа бзиа шааирҧшыз.
MitJet асериаҿы аицлабрақәа рымҩаҧгара иалагеит 2006 ш. рзы Франциа. Уажәазы амилаҭтә чемпионатқәа мҩаҧысуеит ф-ҳәынҭқаррак рҿы – Урыстәыла, Франциа, Италиа, Даниа, США, Германиа.