Аҧсадгьыл-инфо, 15 2018 ш.
Жәымзы ирылагӡаны аушьҭратә пункт «Адлер» аҟны Россельхознадзор аспециалистцәа иааныркылеит 1350 кг аалыҵ.
Аҧсадгьыл-инфо, октиабр 15 2018 ш. Аҳәаа иахысуа ауаа напыла ииаргои абагажи ангәарҭа ашьҭахь иааныркылеит Урыстәыла злагалара амуа 1350 кг акарантин иақәшәо аалыҵ, аанацҳауеит «Кубань 24».
Аҧснынтәи иахыргоз аалыҵ ангәарҭоз аинспекторцәа ирбеит зхыгара амуа араса афундук, ауҭраҭых, адаҧабӷьы,аҵәа, алимон, амандарин, апельсин.
Урыстәылаҟа арҭ аалыҵқәа рахыгара ахьамуа азы, иааныркылаз зегьы Аҧсныҟа иргьыжьын, ҳәа аанацҳауеит Россельхознадзор апресс-маҵзура.