Аҧсадгьыл-инфо, 10 2018 ш.
Аҧсадгьыл-инфо, сентиабр 10 2018 ш. Иахьа, асааҭ 13 рзеиҧш, еилкаам, автоматқәа зкыз хҩык ауаа Лакоба имҩаду аҿы иҟоу Аҵәахырҭатә банк афилиал иақәлеит, иагьыргеит 200 нызқь мааҭ иреиҳаны аҧара. Абри аҩыза аинфомациа Аҧсадгьыл-инфо акорреспондент ииҭеит Аҩныҵҟатәи аусқәа рминистр Гарри Аршба. Иара днеит ацәгьаура ахьыҟалаз аҭыҧахь.
«Акамерақәа иҭарҩыз авидеонҵамҭа ҳгеит, иҭаҳҵаауеит. Ашьауӷатә ус хацыркуп «ақәылара» астатиа ала. Имҩаҧсуеит аоперативтә усмҩаҧгатәқәа», - иҳәеит Гарри Аршба.
Аҩныҵҟатәи аусқәа рминистрра иамоу аинформациа ала, абанк афилиал иақәлаз хҩык ауаа еиқәаҵәала еилаҳәан, автоматқәа рыман.