Урыстәыла Аҭагылазаашьа ҷыдақәа рзы аминистр Евгени Зиничев Аҧсны аҭагылазаашьа ҷыдақәа рзы аминистр Лев Кәыҵниа аинрал-леитенант ҳәа арратә хьӡы ианашьара идиныҳәалеит
Аҧсадгьыл-инфо, ноиабр 2 2018 ш. Евгени Зиничев аҩ-ҳәынҭқаррак рминистррақәа ирымоу аимадара азгәаҭо, Урыстәыла аҭагылазаашьа ҷыдақәа раан Аҧснытәи рколлегацәа иҟарҵо ацхыраара атәы дазааҭгылеит. Абри атәы аанацҳауеит Аҧсны АҶА апресс-маҵзура.
«Аҧсны ҧсшьара инеиуа Урыстәыла атәылауаа, иаҭахханы иҟалозар, Аҧснытәи аиқәырхаратә усбарҭа аганахьала ацхыраара бзиа шроуа аадыруеит», - иҳәеит Урыстәылатәи аминистр идныҳәаларатә шәҟәаҿы.
Евгени Зиничев декабр 18 рзы Кремльтәи ахан аҟны иазгәарҭаран иҟоу урыстәылатәи аиқәырхацәа рымш ахь Аҧснытәи аминистрра ахаҭарнакцәа ааҧхьара риҭеит.