Иҭахаз ыҟаӡам, ааха зауз ыҟоуп
Аҧсадгьыл-инфо, ноиабр 13 2018 ш. Ноиабр 13, 14.30 сааҭ рзы Гәдоуҭа араион аҿы ҩ-машьынак злахуз авариа ҟалеит. Еиҿасит Аҷандара инхо, 1981 ш. рзы ииз дзықәтәаз "Хондаи-сонатеи" Оҭҳара ақыҭан инхо, 1961 ш. рзы ииз дзықәтәаз амашьына "Мерседес-спринтери".
Амҩатә машәыр иахҟьаны аседан иақәтәаз ахәшәтәырҭахь днаргеит, амикроавтобус аныҟәцаҩи 12-ҩык ипассаџьырцәеи убас амедицинатә цхыраара рыҭан.
«Ареспубликатә трасса «П,соу-Егры» Жәандрыҧь ақыҭа иахьаҵанакуа 55-тәи акилометр аҿы Гагрантәи иаауаз "Хондаи-соната" аныҟәцаҩ амашьына изаанымкылан, иара иитәымыз ацәаҳәахьы данианага, иааиуаз амашьына даҽасит», - аҳәоит Аҩныҵҟатәи аусқәа рминистрра апресс-маҵзура аҳәамҭаҿы.
Амашәыр азы аусҭҵаара иацҵоуп.
Даҽа мҩатә машәыркгьы ҟалеит ноиабр 13 рзы. Аҩныҵҟатәи аусқәа рминистрра аинформациа ала, Аҟәа, Адлеиба имҩаду аҟны 14 сааҭи 20 минуҭи рзы акинотеатр «Маиак» азааигәара 1998 ш. рзы ииз УАЗ иақәтәаз 1960 ш. рзы ииз, амҩа еихызҵәоз ашьаҟауаҩ дисит. Амашәыр иахҟьаны ашьаҟауаҩ дҭахеит. УАЗ иақәтәаз даанкылан. Излеилкаахаза ала, иара ижәны дыҟаӡамызт.