Ноиабр 21 рзы акультура аминистрраҿы Аҧсуа ҳәынҭқарратә драматә театри Аҳәынҭқарратә аҿар ртеатри аиқәшаҳаҭра рнапы аҵарҩит
Аҧсадгьыл-инфо, ноиабр 21 2018 ш. Аҧсуа драматә театри аҿар ртеатри русеицура азҵаарақәа ирзааины, акомпромисстә еиқәшаҳаҭра рыдыркылеит
Аиқәшаҳаҭра инақәыршәаны аҿар ртеатр аспектакльқәа рықәыргыларазы мызкахьы ҧшьымш рзалхуп – ҩ-ҩашаки, ҩ-хашаки.Абри атәы аарыцҳауеит акультура аминистрра асаит аҿы.
«Ҳара азинтә ҳәынҭқарраҿы ҳанхоит, иҟаҳҵо зегьы азинтә шьаҭа амазароуп. Сеигәырӷьоит ҳахьеилибакааз. Уажәшьҭа ҳамчқәа зегьы арҿиарахьы иҳашьҭыроуп», - иҳәеит Аҧсуа драматә театр адиректор Нодар Ҷанба.
«Ҳара иаҳзеиҧшыз аӡбарҭахь ҳахькылсыз сеигәырӷьоит. Акультура аминистрреи, Аҧсуа драматә театр адиректори, ҳара ҳапроблема иахьахаҵгылаз азы иҭабуп ҳәа расҳәоит. Уажәшьҭа аусура ҳалагоит», - иҳәеит аҿар ртеатр адиректор Аслан Еныкь.