Сентиабр 15 инаркны 22-нӡа Адыгеиантәи артистцәа ықәгылоит Самсон Ҷанба ихьӡ зху Аҧснытәи аҳәынҭқарратә драматә театр аҟны.
Аҧсадгьыл-инфо, сентиабр 13 2018 ш. Арепертуар иалоуп хә-қәыргыларак: «Кабала свиатош», «Слуга двух господ», ахәыҷтәы лакә «Только вперед!», алитература-музыкатә композициа «Заклинаиу, помните!», убас Бертольт Брехт ипиеса иалху «Кавказски меловои круг» захьӡу апроект. Уи иалахәхоит Адыгеиеи Аҧсни ртеатрқәа рактиорцәа, аанацҳауеит Адыгеиатәи Аҳәынҭқарратә телерадиокомпаниа.
Атеатралтә мшы аартра аҽны, сентиабр 15 рзы, Адыгеиатәи амилаҭтә театр актиорцәа аспектакль ихәмаруеит ҩ-бызшәак рыла – адыга бызшәеи урысшәалеи, аркра аан, сентиабр 22 рзы, ахәаҧшцәа иддырбоит адыга-аҧсуатә версиала иҟаҵоу ақәыргылара.
Адыгеиатә милаҭтә театр аҵыхәтәаны Аҧсны иҟан 34 ш. раҧхьа. Усҟангьы, уажәгьы, Аҧсныҟа атеатр ацара ибзоуроуп Касеи Хачегогу, аанацҳауеит Адыгеиатәи ателехәаҧшра.