Олимпиатә университет аҿы имҩаҧгаз Шәачатәи аусутә клуб аилатәара азкын акурорт аҿы ихҭакны измоу ахәаҷа-маҷақәа ирзутәу атәы
Аҧсадгьыл-инфо, ноиабр 13 2018 ш. Аҵыхәтәантәи 17 шықәса рыҩныҵҟа акурорттә қалақь аҿы 40 хкы рҟынӡа ахәаҷа-маҷа ҽыцқәа нанагеит. Урҭ рахьынтә 18 аҳәынҭқарраҿы зынӡа иҟам роуп. Дара уахь инаргеит аолимпиатә ргыларақәа анцоз еиҭарҳауаз аҵиаақәа ирылаҵаны. Аиҳарак Урыстәыла егьырҭ арегионқәеи Европеи рҟынтәи инанагеит. Абри атәы аанацҳауеит Макс Портал Сочи.
«Шәачатәи амилаҭтә питомник аҿы ирымаз аиҭаҳатәқәа рыла ҳаилгар ауан, аха џьоукы ирҭаххеит џьарантәи аҵиаақәа раагара. Уажәы уи алҵшәақәа ҳамоуп», - лҳәеит Шәача ахада иҟны еиҿкаау аекологиатә хеилак иалоу Наталиа Гудкова.
Ақалақь аҿы еиҭарҳауа аҵиаақәа ртәы хырҩа рзыруит амчрақәа рхаҭарнакцәагьы, агәаҭарақәа знапы ианыз аусбарҭақәа рхаҭарнакцәагьы. Аолимпиадазы аҵиаақәа ааргон, џьар-џьара рыла хырҩозар акәхарын. Уи иалҵшәахеит иахьатәи аҭагылазаагьа», - иҳәеит «Шәачатәи аусутә елкб» апрезидент Михаил Микшис.
Ашыц ҵлақәа рзы ареквием адырҳәеит. Уажәы егьырҭ аҵиаақәа раамҭа ааима? Мап. Ус ргәы иаанагоит аҵарауаа.Ихадоу ахәаҷа-маҷақәа ирҿагылан ақәҧара зегьы рхы аладырхәыр ауп. Ҳавара иҟоу Аҧсынгьы инеит арҭ ахәаҷақәа, ҳәа рыҩуеит Макс Портал Сочи.
«Аҵыхәтәантәи ҩышықәса рыҩныҵҟа амармалташьтә бты иахҟьаны ақыҭанхамҩа акыр ааха аиоуит. Ҳара ацитруси арасеи ҳцәыӡит», - иҳәеит аиҧылара иалахәыз Аҧсны ақыҭанхамҩа аминистр инапынҵақәа назыгӡо Владимир Дауров.
Уажәазы Аҧсны аҭагылазаашьа иаҳа еиӷьхеит. Аҧснытәи аспециалистцәа рҧышәа атәы иалацәажәеит. Абты иаҿагыланы напыла, биологиатәла, химиатәла ақәҧара мҩаҧыргоит Шәачагьы. Ари ахәаҷа ақәгаразы ақалақьтә биуџьет аҟынтәи 13 миллион мааҭ азоужьуп.
«Ишәарҭоу ахәаҷа-маҷа ҳариааирц азы, уи аус аҿы зегьы еидгылароуп. Апаника ҟамҵакәа аус ааур, акурортә қалақь аиаҵәара ацәыӡуам», - ҳәа алкаа ҟанаҵоит Макс Портал.
http://maks-portal.ru/novosti/video/byt-li-sochi-gorodom-sadom
Фото: privetsochi.ru