Аҧсадгьыл-инфо, 9 2018 ш.
Аҧыза-министр Геннади Гагәылиа амҩатә машәыр аҿы дҭахеит сентиабр 8 рҽны.
Аҧсадгьыл-инфо, сентиабр 9 2018 ш. Аҳәынҭқарра ахьчаразы амилаҭтә ҵысра ахаҭарнакцәа Геннади Гагәылиа иҭахара инамаданы иҭаацәеи иҭынхацәеи ирыдышшылоит.
«Ари ахлымӡаах жәабжь Аҧсны иқәынхо зегьы рцәа иҭананрӡыӡеит. Геннади Леонид-иҧа аибашьра ашықәсқәа рышьҭахь Аҧсны аекономика ашьапы ақәгылараҿы илагала дууп. Аҧсны Актәи ахада Владислав Арӡынба дивагылан. Апрофессионал, аҧсадгьыл апатриот, згәы ҭбааз, ауаҩра злаз уаҩын. Ихьанҭоу ари аамҭазы Геннади Леонид-иҧа Гагәылиа иҭаацәа ирыхьыз агәаҟра рыцеиҩаҳшоит», - аҳәоит Аҳәынҭқарра ахьчаразы амилаҭтә ҵысра иҟанаҵаз аҳәамҭаҿы.