Убри аан Аҳәынҭқарра ахада иҳәеит ихаҭа Феисбук дышҭам.
Аҧсадгьыл-инфо, август 31 2018 ш. Рауль Ҳаџьымба «анегатив ҟазшьа змоу, аӡәгьы абзиара изыҟазымҵо» ҳәа дахәаҧшуеит украинатәи ахакерцәа иҧырҽыз Владислав Сурков иҧочта иҭаз ашәҟәқәа интернет аҿы ауаа рылаҵара атәы дазааҭгыло, аанацҳауеит «Абхазиа-Информ».
«Интернет агәам ахькарыжьуа еиҧшхеит, иаҳаракгьы Феисбук. Аус змам зегьы араҟа ирҩуеит рхы иааҭашәо, дара-дара рцәа еибахыхуеит. Сара сҭалаӡом ари асоциалтә ҳа, аха исаҳауеит ирыҩуа атәы. Ҳара уаҟа ус иҳахцәажәозар, уаҳа аргумент рымамзар, уи иаанаго, ҳара иҟаҳҵо ак иашазаап ауп», - иҳәеит Рауль Ҳаџьымба.
Аҧсны иадҳәалоу аматериалқәа рцәырҵра шәышҧазыҟоу ҳәа азҵаара аҭак ҟаҵо, иара иҳәеит: «Украинатәи ахакерцәа иҧырҽыз абаза акәзар, уи аматериалқәа ыҟоуижьҭеи акыр ҵуеит».