Аҧсадгьыл-инфо, 14 2018 ш.
Аҧсны Аџьынџьтәылатә еибашьра иалагеижьҭеи 26 шықәса аҵра иазкыз «Дара рыҧсадгьыл рыхьчон» захьӡыз афотоцәыргақәҵа аартын Приднестровиатәи Молдавиатәи Ареспубликаҿы иҟоу Аҧсны ахаҭарнакраҿы.
Аҧсадгьыл-инфо, август 14 2018 ш. Ари ацәыргақәҵа даҽазнык иугәаланаршәоит 26 шықәса раҧхьа иҟаз ахҭысқәа, абџьар шьҭыхны Аҧсны зыхьчоз ауаа.
«Август 14 1992 ш. рзы Аҧсны инхоз рзы аамҭа иаразнак аҽаҧсахит – ари аҽны иалагеит Аҧсны жәлар рџьыньтәылатә еибашьра. Ацәыргақәҵаҿы иубоит зыҧсадгьыл, зҭаацәа рыхьчара ада даҽа мҩак алзымхыз ауаа рсахьақәа. Ауадаҩрақәа рыхганы, зықьҩыла ауаа рыҧсы ахҭынҵаны Аҧсны иаиоуит ахақәиҭра», - ҳәа аанацҳауеит Аҧсны ахаҭарнакра асаит.