Авторизация:

Аслан Бжьаниа Алықьса Гогәуа иира амш идиныҳәалеит

Аслан Бжьаниа Алықьса Гогәуа иира амш идиныҳәалеит
15 марта 2023 11:25 248
Апсадгьыл-инфо, 15 марта 2023 г.  Аԥсны ахада Аслан Бжьаниа Алықьса Гогәуа иира амш идиныҳәалеит.

Адныҳәалараҿы иаҳәоит: "Ҳаҭыр зқәу Алықьса Ноча-иԥа!
Гәык-ԥсык ала ишәыдысныҳәалоит Шәира амш.
Шәара, зырҿиара Аԥснеиԥш, уи анҭыҵгьы еицырдыруа шәҟәыҩҩуп, ҳаамҭазтәи классикуп, зажәа акрылнадо уаажәларратә усзуҩуп. Ахә ашьара уадаҩуп иахьатәи аԥсуа литература, иахьатәи аԥсуа абызшәа аҿиараҿы Шәара шәлагаламҭа.

Шәара шәырҿиара зегьы ибзиаӡаны ианыԥшуеит даҽакы иаламҩашьо, иҷыдоу аԥсуа милаҭтә хәыцшьа, ҳмилаҭ ирҟазшьоу аԥсҭазааратә философиа. Аԥсуа цәа рыҟәнуп шәҩымҭа ссирқәа бырлашҵас иргәылаԥсоу ақәыԥшра, аҿара, абзиабара ахаҿсахьақәа. Амҽхак ҭбаауп, иҵаулоуп ҟазара дула иаашәырԥшуа азаҵәра, ажәра, аиԥырҵра атема. 

Шәара шәажәабжьқәа, шәповестқәа, шәроманқәа, ҷыдала, ароман-араԥсодиа «Асду» аԥсуа литеаратура акырӡа изырбеиаз, аԥсуа ажәа аҵакы ҳаразкыз аԥҵамҭақәоуп.

Алықьса Ноча-иԥа, Шәира амш аҽны ишәзеиӷьасшьарц сҭахуп ақәра ду, агәабзиара, агәамч, ишәыгымзааит аринахысгьы арҿиаратә гәазыҳәара".


Для того, чтобы оставить свой комментарий, Вам необходимо авторизоваться!
Авторизация:
 
Текст сообщения*
Перетащите файлы
Ничего не найдено
Защита от автоматических сообщений