Авторизация:

Аслан Бжьаниа: аиҳабыреи аинтеллигенциеи рымч еибырҭароуп ҳбызшәа аиқәырхараҿы

Аслан Бжьаниа: аиҳабыреи аинтеллигенциеи рымч еибырҭароуп ҳбызшәа аиқәырхараҿы
27 октября 2021 12:20 405
Апсадгьыл-инфо, 27 октября 2021 г.  

Аԥсны Аҳәынҭқарра Ахада Аслан Бжьаниа Аҳәынҭқарратә бызшәа амш аҽны ​ Аԥсны жәлар рышҟа Ааԥхьара ҟаиҵеит аанацҳауеит Ахада ипресс-маҵзура.

Ааҧхьараҿы иаҳәоит:

«Акыр иаԥсоу ҳауаажәлар!

Иахьатәи амш – жьҭаарамза 27 ҳмилаҭ, ҳҭоурых, раԥхьа иргыланы, Аԥсуа ҳәынҭқарразы акырӡа ​ зҵазкуа рыцхәуп.

Ҳхатәы бызшәа Аԥсны Аҳәынҭқарра иашьагәыҭу аԥсуа милаҭ реиқәырхараҟны, рыҿиараҟны инанагӡо ароль дуӡӡа ҳасаб азуны, 2007 шықәсазы Аԥсны Жәлар Реизараҟны ирыдыркылеит «Аԥсны Аҳәынҭқарратә бызшәазы» Азакәан.

Ари Азакәан инақәыршәаны Аԥсны Аҳәынҭқарра атәылауаа аҳәынҭқарратә бызшәа рдыруазароуп, ҳҳәынҭқарратә ԥсҭазаара аганқәа зегьы рыҟны хархәара амазароуп.

Аҳәынҭқарра иадуп уи социалла ахьчара - арҵара, арҿиара, афункциақәа рынагӡаразы аҭагылазаашьа аԥҵара, иара убас уи ахьчара, хылаԥшра аҭара.

Ҳазҭагылоу аамҭазы аҳәынҭқарратә бызшәа официалла иамоу адгылара инаваргыланы, иҟазароуп ҳуаажәларра рганахьала абызшәа аиҷаҳара, агәбылра, агәрагара. Аҳәынҭқарратә бызшәа аиқәырхараҟны иахьа иацу ашәараҭара азгәаҭаны, уи аҳаҭыр ашьҭыхразы, амҽхак арҭбааразы, дарбанзаалак Аԥсны атәылауаҩ иара ада ԥсыхәа имамкәа иҟаҳҵароуп.

Сгәы иаанагоит, Аԥсны аиҳабыреи ҷыдала амилаҭтә интеллигенциеи рымч еибырҭароуп ҳҳәынҭқарреи ҳмилаҭи реиқәырхара аус аҟны аԥхьа игылоу абри аус амҩақәҵараҿы! Ашәышықәсақәа иргәылганы, иахьа уажәраанӡа еиқәырханы иааҳго, ҳажәлар ахьыҟазаалак аӡәыкны еидызкыло ҳбызшәа Аԥснеиԥш уи анҭыҵгьы иқәҩларц азы!»



Для того, чтобы оставить свой комментарий, Вам необходимо авторизоваться!
Авторизация:
 
Текст сообщения*
Перетащите файлы
Ничего не найдено
Защита от автоматических сообщений