Авторизация:

Аслан Бжьаниа аҵарашықәс ҿыц алагара рыдиныҳәалеит аҵаҩцәеи, арҵаҩцәеи, аҭаацәеи

Аслан Бжьаниа аҵарашықәс ҿыц алагара рыдиныҳәалеит аҵаҩцәеи, арҵаҩцәеи, аҭаацәеи
1 сентября 2020 09:34 828
Апсадгьыл-инфо, 1 сентября 2020 г.  Аҧсны Аҳәынҭқарра Ахада Аслан Бжьаниа аҵарашықәс ҿыц алагара рыдиныҳәалеит аҵаҩцәеи, арҵаҩцәеи, аҭаацәеи. Адныҳәаларатә шәҟәаҿы иазгәаҭоуп:

"Акыр иаҧсоу аҵаҩцәа, арҵаҩцәа, аҭаацәа!

Ишәыдысныҳәалоит аҵарашықәс алагара! Сынтәа даҽа аамҭак еиҧшымкәан зегь шәазыҧшын ари амш.​ Адунеи зегь зымҽхазкыз ачымазара иахҟьаны шықәсыбжак иеиҳауп шәара шәҵараиурҭақәа рахь шәымныҟәоижьҭеи, убри аҟнытә иахьатәи амш лымкаала иацуп агәхьаагареи агәыбылреи.​ Хымҧада сынтәатәи аҵарашықәс уаанӡатәиқәа излареиҧшым рацәахоит. Макьана иҳамазароуп агәҽанызаара, ҳрықәныҟәалароуп аҳақьымцәа иҟарҵо абжьгарақәа, аамҭала иаанаҳкылароуп бзиа иаабо ашколтә ныҳәақәа рымҩаҧгареи, аспорттә еицлабрақәеи.​ ​ Зегь агәра ҳгоит арҭ ауадаҩрақәа лассы ишымҩасуа, ҳшазыхынҳәуа ҳзышьцылахьоу, усхк рацәала ибеиоу​ ашколтә ҧсҭазаара.

Лымкаала срыдныҳәалар сҭахәуп раҧхьаӡа акәны ашкол ахь зшьапы еихызго ахәыҷқәа. Иахьа инаркны шәара шәанылоит иҭбаау, зегь рыла ибеиоу аҵарадырра амҩа. Ишәыцзааит еснагь аманшәалара, агәалаҟазаара бзиа, ишәзеиҕьысшьоит ақәҿиарақәа.

Аҵарадырра​ аусхк аҳәынҭқарраҿы лымкаала ахшыҩзышьҭра зҭатәу хырхарҭоуп.​ Ҳашколқәа рҿы ауп иахьеиқәҳархо ҳбызшәа, иахьаҳааӡо аҧхьаҟатәи аҳақьымцәа, анџьнырцәа, аекономистцәа, аҧсуа ҳәынҭқарра уаҵәы напхгара азҭо аполитикцәа. Ҳабжьаратә ҵараиурҭақәа иахьатәи русура хымҧада ианыҧшуеит ҳҳәынҭқарра уаҵәтәи аҧеиҧш. Ҭабуп ҳәа шәасҳәоит ҳарҵаҩцәа. ​ Шәусураҿы ишәҧыло ауадаҩрықәа ​ шмаҷымгьы, шәгәы ацәкамыршәкәан шәаҿуп аҿар рааӡара.​ Ишәдыруаз, аҳәынҭқарра анахгара рҟынтә еснагь адгылара шшәымоу.

Иҳазгәакьоу ашколхәыҷқәа, акыр иаҧсоу арҵаҩцәа, ишәзеиҕьысшьоит агәабзиара, аманшәалара, аихьӡара дуқәа!"
Для того, чтобы оставить свой комментарий, Вам необходимо авторизоваться!
Авторизация:
 
Текст сообщения*
Перетащите файлы
Ничего не найдено
Защита от автоматических сообщений