Авторизация:

Аҧсны аалыҵ Дамассктәи жәларбжьаратәи аиармаркаҿы инаган

Аҧсны аалыҵ Дамассктәи жәларбжьаратәи аиармаркаҿы инаган
7 сентября 2018 11:10 1500
Аҧсадгьыл-инфо, 7 2018 ш.  

Аҧсны аалыҵ наган сентиабр 6 рзы иаатыз Дамассктәи жәларбжьаратәи 60-тәи аиармаркаҿы.

Аҧсадгьыл-инфо, сентиабр 7 2018 ш. Аиармарка аофициалтә аартраҿы дықәгылеит визитла Шьамтәыла иҟоу Аҧсны ахада Рауль Ҳаџьымба. Абри азы ТАСС ахь адырраҭара ҟаиҵеит Аҧсны аделегациа алахәылацәа руаӡәк.

«Аҧсны апавилион аҿы иқәыргылоуп аҩқәа, акониакқәа, ашәыр, ашәырлыхқәа, ашәқәа, еиуеиҧшым асоусқәа, убас еиуеиҧшым афатәқәа», - иҳәеит ҳделегациа ахаҭарнак.

Иара иажәақәа рыла, аиармарка аартраҿы дықәгыло Аҧсны ахада иҳәеит сентиабр 4 рзы Аҧсни Шьамтәылеи русеицуразы рнапы зҵарҩыз аиқәшаҳаҭра аҩ-ҳәынҭқаррак реизааигәахара ишахәо. Иара Шьамтәыла аиҳабыреи аҧсуа-дыгатә диаспора зхаҭарнаку шьамтәыла жәлари аҭынчреи аизҳазыӷьареи рзеиӷьеишьеит.

Аҧсуа павилион аҿы убас ицәыргоуп аҧсуа жәлар ртрадициақәеи ркультуреи ртәы зҳәо, ақыҭанхамҩатә, атуристтә хырхарҭақәеи рзы аматериалқәа.

«Аҳәынҭқарратә ансамбль «Кавказ» акәашацәа инарыгӡеит аҧсуа кәашарақәа. Аҧснытәи апавилион аекспозициа даҭааит Шьамтәыла аҧыза-министр Имад Хамис», - азгәеиҭеит Аҧснытәи аделегациа ахаҭарнак.

Сынтәатәи Дамассктәи аиармарка уаанӡатәиқәа раасҭа амҽхак ҭбаауп. Иара иалахуп 48 тәыла рҟынтәи аҳәынҭқарратәи ахатәи компаниақәа.

Для того, чтобы оставить свой комментарий, Вам необходимо авторизоваться!
Авторизация:
 
Текст сообщения*
Перетащите файлы
Ничего не найдено
Защита от автоматических сообщений