Аҧсадгьыл-инфо, иул 25 2018 ш. Урыстәыла аҳәаақәа рҿы иҿыцу арратә системақәа рыҟалара аҭак аиоуеит, уи арбахоит арратә планқәа рҿы. Абри атәы иҳәеит Аҧсни Алада Уаҧстәылатәи ажурналистцә данрацәажәоз Урыстәыла Афедералтә еизара Афедерациа асовет жәларбжьаратәи аусқәа рзы акомитет аиҳабы Константин Косачиов, Қырҭтәыла НАТО алалара азҵаара ахҳәаа ҟаҵо. Абри атәы аанацҳауеит ТАСС.
«Аҳәынҭқарра ҿыцқәа (НАТО иалало) Урыстәыла аанкылара хықәкыс измоу еиуеиҧшым программақәа рхы аларҵоит. Иаагозар, аракета иаҿагылоу аҽыхьчаразы европатәи асистема аҿиара.
Косачиов иажәақәа рыла, Урыстәыла аҳәаақәа рзааигәара иҿыцу арратә системақәа рцәырҵра Алада Кавказ аҿы аҭынчымра ацәыргареи Урыстәыла аганахьала арратә ҭактә аҟаҵареи роуп иаанго.
«Ари ибзиан еилыркаауазар ауп Қырҭтәылатәи ҳпартниорцәа», - иҳәеит асенатор.
Афото: ТАСС