Авторизация:

Беслан Эшба: «Акоррупциа иаҿагылан ақәҧаразы, иара алзыршо амзызқәа аҧыхтәуп»

Беслан Эшба: «Акоррупциа иаҿагылан ақәҧаразы, иара алзыршо амзызқәа аҧыхтәуп»
20 июля 2018 17:59 8549
Аҧсадгьыл-инфо, 20 2018 ш.  

Аҧсадгьыл-инфо, иул 19 2018 ш.  Акоррупциа иаҿагылан ақәҧаразы агәаҭаратә усмҩаҧгатәқәа азхаӡом, иара алзыршо амзызқәа аҧыхтәуп. Абас иҳәеит аинформациатә маҵзура «Аҧсадгьыл-инфо» акомментари азҭаз Ареспубликатә уаажәларратә еиҿкаара «Аҧсадгьыл» аиҿкааҩ Беслан Ешба, акорррупциа аҿагыларазы ООН 20-тәи аконвенциа Аҧсны рыдкылара азҵаара далацәажәо.

Акоррупциа аҿагыларазы убас иаҭахуп ашәахттә закәанҧҵара аиӷьтәра ҳәа игәы иаанагоит. 

«Раҧхьаӡа иргылан ашәахттә закәанҧҵареи азин алхратә документқәеи рырҽеира аҭахуп: аконкурсқәа, атендерқәа уҳәа. Уҭр ҳара ҳзакәанқәа рҿы иануп, аха ишымҩаҧгатәу апроцедура аҵыхәтәанынӡа еилкааӡам. Уигьы акоррупциа ахылҿиаар алшоит», - ҳәа игәы иаанагоит Беслан Ешба.

Иара иажәақәа рыла, Жәлар реизара адепутатцәа анагӡаратә мчра аусура ахылаҧшразы алшарақәа зегьы рымоуп.

«Уи азы иҟоуп Агәаҭаратә палата. Уи абиуџьет аҟны инырхуа аҧара анаҩсгьы, амазаратә еизыҟазаашьақәагьы ирхылаҧшлар ауеит. Убас дара анагӡаратә мчра ирыдыркыло ақәҵарақәа азакәан иахьынӡақәшәо гәарҭаларц, акоррупциа аелементқәа рыҧшааларц алшара рымоуп», - иҳәеит ААЕ «Аҧсадгьыл» аиҿкааҩ.

Беслан Ешба ачынуаа ирымоу ахашәалазы адекларациа хадырҭәааларц дадгылоуп.

«Ҳара ҳаиҿкаара (ААЕ «Аҧсадгьыл» - аред) акоррупциа аҧырҟәҟәааразы аусмҩаҧгатәқәа ирыдгылоуп. Иарбан усмҩаҧгатәзаалакгьы еицалагатәуп, убасҟан ауп алҵшәа аныҟало», - ҳәа дахәаҧшуеит Беслан Ешба.

Асправка: Акоррупциа аҿагыларазы ООН Аконвенциа рыдыркылеит 58-тәи ООН агенералтә ассмаблеиаҿы октиабр 31 2003 ш. рзы, амчра аман иҟалеит декабр 14 2005 ш.

Для того, чтобы оставить свой комментарий, Вам необходимо авторизоваться!
Авторизация:
 
Текст сообщения*
Перетащите файлы
Ничего не найдено
Защита от автоматических сообщений