Апсадгьыл-инфо, 20 февраля 2020 г.
Аҳәынҭқарра аргылара зегь раҧхьаӡа иаанаго азакәан ақәныҟәара ауп, иҳәеит Аслан Бжьаниа Абыргцәа рхеилак ахаҭарнакцәа данырԥылоз февраль 20 рзы.
«Азакәан назыгӡо, азакәан ишақәнаго ауаҩы дықәныҟәартә иҟазҵо амч еиҿкаатәуп. Азакәан аҧхьа зегь еиҧшызар ауп, зегь рымч еиҟаразар ауп. Азакәан иахыҧаз ауаҩы Аҧсны дыҟамзар ауп - дынхаҩума, дыпрезидентума. Иаҧырхаго аусқәа рацәоуп, аха егьа ус акәзаргьы, иҧшаатәуп мҩак - акызаҵәык ииашо амҩа. Убри ҳанылароуп аҧсуа ҳәынҭқарра аргыларазы», - иҳәеит Аслан Бжьаниа.
Убри аан аполитик иазгәеиҭеит гәаартыла, закәанла, напыцқьарыла аус зуа ауаа шыҟоу, аха урҭ рхы ныҟәыргартә руалафахәы ишацҵатәу, аӷьычра егьырҭ аҟәыхны. Иҳәеит аҵарҭышагарахь зхы зырхаз шамхтәу.
Убри аан аполитик иазгәеиҭеит гәаартыла, закәанла, напыцқьарыла аус зуа ауаа шыҟоу, аха урҭ рхы ныҟәыргартә руалафахәы ишацҵатәу, аӷьычра егьырҭ аҟәыхны. Иҳәеит аҵарҭышагарахь зхы зырхаз шамхтәу.
«Иахьа чмазара бааҧсны иҳамоуп аҵарҭыша. Уи даара амҽхак дууп, - иҳәеит аполитик. - Аҧсны иахагылоу аҧхьагылара ҟаиҵар ауп арҭ азҵаарақәа рҿы. Аиҳабы иааигаз ахьынтәааигаз, убри аҟынтәи иалагатәуп, икәша-мыкәшагьы убас иҟазароуп. Ауаҩы ус даналага, ивагылоугьы ихымҩаҧгашьа ирҽеиуеит ҳәа сгу иаангоит, уи имырҽеир, иҟоуп амаҵзурақәа, иқәнаго дақәзыршәо. Абас ауп сара ишызбо иахьатәи аҭагылазаашьеи, уаҵәти амши».
Аслан Бжьаниа иазгәеиҭеит амцҳәара ауаа ргәы шыҧнаҵәаз.
«Аџьабаа ҳбарц ҳҭахызар, ҩышықәса-хышықәса рыла хәыҷык ҳаҧсахуеит, азакәан аус ауртә иҟаҳҵоит. Ибеианы ҳанхаӡом ҩышықәса-хышықәа рыла, аха уи аамҭа иалагӡаны иҟаҳҵоит аӷьычра иаҟәыҵыртә. Нас ҳагьбеиахоит, ҳагьеиӷьхоит. Абас ауп сара ишызбо»,- иҳәеит Аслан Бжьаниа.