Аԥсны Аҳәынҭқарра Ашәахтәқәеи аизгақәеи рминистрреи, Аҟәа ақалақьи егьырҭ аинспекциақәеи инарыгӡаз аусура алҵшәақәа реихшьаала инақәыршәаны 2022 ашықәс иалагӡаны Аԥсны абиуџьет иалагалоуп 4285,3 млн мааҭ ашәахтәқәа, уи аан аплан ишьақәнаргылон 3526,3 млн мааҭ. Аплан нагӡоуп 122% рыла. Аԥаратә рбагақәа рыла аплан иарбаз аасҭа 759,0 млн мааҭ рыла еиҳаны иалагалан. 2021-тәи ашықәс азы жәаҩа мзы ирылагӡаны иалагалаз ашәахтәқәа ирҿырԥшны, алагалара адинамика 126% инаӡоит, ԥаратә рбагала уи ишьақәнаргылоит 886,3 млн мааҭ.
2022-тәи ашықәс иалагӡаны Аԥсны араионқәа рҟны иалагалан анаҩстәи ашәахтә шәатәқәа:
Аҟәа ақалақь – иалагалан 2064,4 млн мааҭ, аплан ишьақәнаргылон 1 752,4 млн. мааҭ. Аплан нагӡоуп 118% рыла.
Гагра араион – иалагалан 1178,6 млн мааҭ, аплан ишьақәнаргылон 910,9 млн. мааҭ. Аплан нагӡоуп 129% рыла.
Гәдоуҭа араион – иалагалан 457,7 млн мааҭ, аплан ишьақәнаргылон 376,3 млнмааҭ. Аплан нагӡоуп 122% рыла.
Аҟәа араион – иалагалан 170,7 млн мааҭ, аплан ишьақәнаргылон 162,1 млн мааҭ. Аплан нагӡоуп 105% рыла.
Гәылрыԥшь араион – иалагалан 103,4 млн мааҭ, аплан ишьақәнаргылон 76,1млн. мааҭ. Аплан нагӡоуп 136% рыла.
Очамчыра араион – иалагалан 192,4 млн мааҭ, аплан ишьақәнаргылон 162,4 млн мааҭ. Аплан нагӡоуп 118% рыла.
Тҟәарчал араион – иалагалан 61,8 млн мааҭ, аплан ишьақәнаргылон 34,9 млн. мааҭ. Аплан нагӡоуп 177% рыла.
Гал араион – иалагалан 56,2 млн. мааҭ, аплан ишьақәнаргылон 51,2 млн. мааҭ. Аплан нагӡоуп 110% рыла.