Авторизация:

Президент Абхазии выступил в Общенациональном лингвистическом форуме

Президент Абхазии выступил в Общенациональном лингвистическом форуме
фото: сайт Президента РА
10 июня 2021 13:26 1736
Апсадгьыл-инфо, 10 июня 2021 г.  

Президент Абхазии Аслан Бжания посетил сегодня Абхазский государственный университет для участия в Общенациональном лингвистическом форуме.

Глава государства выступил с приветственной речью:

«Ҳаҭыр зқәу алингвистикатә форум алахәылацәа!

Иахьа шәызлацәажәо азҵаара ҳажәлари, аҧсуа ҳәынҭқарреи рзы ихадоу азҵаарақәа ируакыуп. Ирҳәоит ажәлар ыҟоуп ҳәа зхатәы бызшәа зҳәо дыҟанаҵы. Сара абри иацысҵар сҭахыуп даҽакгьы-аҧсуа ҳәынҭқарра ыҟазаауеит аҧсуаа аҧсышәала ицәажәонаҵы, ҳҳәынҭқарра аҧсшәа цәа аханаҵы. Сара агәра ганы сыҟоуп ус наунагӡа ишыҟало, аха уи азы иҟаҵатәу даара ирацәоуп. Ари аус азы рылшарақәа еибырҭароуп аҳәынҭқарра анапхгара, аҵарауаа, аҵарааӡара знапы алакыу, аҭаацәа. Ари зыӡбара уаҵәахьы иахыгатәу усӡам. Иахьа адунеи аҿы имҩаҧысуа апроцессқәа апрогресс инаваргыланы зхыҧхьаӡара маҷу ажәларқәа рзы ирыцу ашәарҭарақәагьы рацәоуп. ЮНЕСКО иҟанаҵо алкаақәа рыла есымза адунеи аҿы ииаӡаауеит ҩбызшәак. Иахьа ҳара иҳамоуп ихьыҧшым аҳәынҭқарра. Уи ҳажәлар рзы иҟалароуп хеиқәырхарҭас. Ҳҳәынҭқарра – уи ҳаҩноуп. Уи аҩныҵҟа ҳажәлар ҿиароуп, иҕьацароуп, уи аҩны иҩныҩлароуп еснагь ҳхатәы бызшәа.

Ҳәара аҭахыума аҧсуа бызшәа Аҧсны Аконституциа инақәыршәаны аҳәынҭқарратә бызшәа анакәха уи рхы иадырхәалароуп аҳәынҭқарратә институтқәа. Иҟаҵоу маҷӡам, аха аамҭа иаҳнарбоит уи шазымхо, иҵегь агәцаракра шаҭахыу.

Хаҭала сара сацклаҧшуеит Аҳәынҭқарра Ахада иусбарҭаҟны аҧсуа бызшәа ахархәара амазарц. Аҧсны Ахада иусура иазкны ицо ажәабжьқәа еиқәдыршәоит аҧсышәалеи урысшәалеи, Ахада исаит аҟны лымкаала хылаҧшра амоуп аҧсуа даҟьа, аҳәаанырцәтәи асасцәа ансыдыскыло, жәларрыбжьаратәи аиҧыларақәа анымҩаҧызго схы иасырхәоит аҳәынҭқарратә бызшәа. Иҟалап уи маҷуп ҳәа зыҧхьаӡо дыҟазаргьы, аха амаҷи- амаҷи еицыланы ауп ишыҟало аус ду. Адҵа рысҭоит егьырҭ аҳәынҭқарратә усбарҭақәагьы абри ихадоу азҵаара ахылаҧшра ҷыда арҭаларц.

Абри аус аҟны зегь раҧхьа иргыланы иаҳҭахыуп шәара, аҵарауаа шәыцхыраара. Ҳаицазхәыцып абызшәа аҵара аҿар радыҧхьаларазы иҟаҵатәу, мҩақәас иалхтәу, аҵаратә система ахьырмариатәу, иахьырҕәҕәатәу. Хамҧада Аҧснытәи аҵараиурҭа аҳәынҭқарратә университети, Алингвистикеи аинформациатә технологиақәа рцентри еиҿыркааз иахьатәи Афорумгьы убри азҵаара ауп изызкыу. Ишәзеиҕьысшьоит қәҿиарала аусура, аманшәалара».



 

Для того, чтобы оставить свой комментарий, Вам необходимо авторизоваться!
Авторизация:
 
Текст сообщения*
Перетащите файлы
Ничего не найдено
Защита от автоматических сообщений