Д. Гәлиа ихьӡ зхәу амемориалтә ҩны-амузеи алахәхоит Москва имҩаҧысраны иҟоу Жәларбжьаратәи афестиваль «Интермузеи-2019». Ацәыргақәҵа атема хадас иҟоуп аҧсуеи аурыси шәҟәыҩҩцәа ркультуратә еимадарақәа хырхарҭа рацәала аиларсрақәа. Ацәыргақәҵа мҩаҧысуеит Москва, ацәыргақәҵатә зал «Манеж» аҿы. Иара аартхоит маи 30 рзы имҩаҧыслоит иун 2-нӡа.
Амузеиқәа жәларбжьаратәи рфестиваль ашықәс аҩныҵҟа ихадароу акультуратә хҭысуп. Ари иуникалтәу цәыргақәҵоуп. Иара аинтерес ду аҵоуп еиҿызкаауа рзы еиҧш, иаҭаауа рзгьы. Афестиваль аструктура есышықәсқәа хы-хәҭакны еихыршоит. Уи шьақәгылоуп аекспозициатә, аусутә, акультуратә программақәа рыла.
Иара убасгьы еиҿыркаауеит афестиваль иалахәу амузеиқәа рыбжьара аиндаҭларақәа. Есышықәса афестиваль рҽаладырхәуеит Урыстәылеи уи анҭыҵи рҟынтәи 400 иреиҳаны амузеиқәа. Иара убасгьы х-нызықьҩык инарзынаҧшуа амузеиқәа русзуҩцәа, урҭ афестиваль аҳәаақәа ирҭагӡаны рзанааҭтә зыҟаҵара шьҭырхуеит.
Афестиваль «Интермузеи» еиҿнакаауеит Урыстәылатәи Афедерациа акультура аминистрра. Раҧхьаӡа акәны иара мҩаҧган 1999 ш.рзы.