Авторизация:

«Аҭаацәа рпортреҭаҿ атәымуаҩ» - Аԥсуа драматә театр аҟны аспектакль ҿыц ақәыргылара нап адыркит

«Аҭаацәа рпортреҭаҿ атәымуаҩ» - Аԥсуа драматә театр аҟны аспектакль ҿыц ақәыргылара нап адыркит
1 марта 2023 13:59 185
Апсадгьыл-инфо, 1 марта 2023 г.  

С. Ҷанба ихьӡ зху Аԥсуа ҳәынҭқарратә драматә театр аҟны аспектакль ҿыц ақәыргылара нап адыркит. Абри ажәабжь аанацҳауеит атеатр асоциалтә ҳақәа рҿы иамоу адаҟьақәа рыла.


Арежиссер Алхас Шамба аус адиулоит аурыс шәҟәыҩҩы Степан Лобозиоров ипиеса «Аҭаацәа рпортреҭаҿ атәымуаҩ». Аҽазыҟаҵарақәа иааиԥмырҟьаӡакәа имҩаԥысуеит. Апремиера азгәаҭоуп апрель азы.

Ахатәы ҩнаҿы «асасааирҭа» анаадыртуа иацу акәамаҵамарақәа бзиан ирдыруеит аԥхынра зыҩнқәа рҿы аԥсшьацәа здызкыло ҳауаажәлар. Ҿыц еибадырыз аԥшәмацәеи асаси реизыҟазаашьа иахылҿиаар алшоит аиҩызара, мамзаргьы агәрамгара, уимоу аиӷарахь икылсыр алшоит. Иҟалоит убарҭ зегьы зныкала иааицыланы акомедиатә ҭоурых анырхылҿиаауа. Убас еиԥш зыҩны «асасааирҭа» аартны измаз ҭаацәараки, урҭ рысаси реизыҟазаашьа иазкуп аспектакль ҿыц «Аҭаацәа рпортретаҿы атәымуаҩ».

Раԥхьаӡа акәны ари апиеса иалхны аспектакль анықәдыргыла, еицырдыруа аурыс шәҟәыҩҩы, адраматург Виктор Астафьев иҳәеит: «Даара иԥсыршьагоу, агәалаҟазаара бзиа узҭо, узырлахҿыхуа спектакльуп. Ааигәа абас еиԥш алаф бзиа зцу спектакльк ықәдмыргылацызт ҳатеатрқәа».

«Агәра ганы ҳаҟоуп «Аҭаацәа рпортретаҿ атәымуаҩ» ианацла аԥсуа лаф, ианахыла даҽакы иаламҩашьо ҳкурортқәа рцәаҩа, ахәаԥшцәа гәахәара дула ирыдыркыло комедиатә спектакльны ишыҟало»,- абас азгәаҭоуп Аԥсуа театр аофиалтә даҟьаҿы.




 

Для того, чтобы оставить свой комментарий, Вам необходимо авторизоваться!
Авторизация:
 
Текст сообщения*
Перетащите файлы
Ничего не найдено
Защита от автоматических сообщений